***माय***

                                        ***माय***

 जितेंद्र जोशी मुळे  हे गाणे माहित झाले ----------
              हंबरून वासराला चाटती जेव्हा गाय
              तवा मले तिच्या मध्ये दिसती माझी माय ...
                    आया बाया सांगत व्हत्या होतो जवा तान्हा
                     दुष्काळात मायेचा माझ्या आटला व्हता पान्हा
                     पीठा मंदी पाणी टाकून मले पाजत जाय
                      तवा मले पीठा मंदी दिसती माझी माय.....
               कन्या काट्या येचायला माय जाई रानी
               पायात नसे वहान तिच्या फिरे अनवानी
               काट्या कुट्यालाही तिच मानत नसे पाय
               तवा मले काट्यामंदी दिसती माझी माय....
                      बाप माझा रोज लावी मायेच्या माग टुमण
                      बास झाल शिक्शान आता घेऊ दे हाती काम
                      अग शिकूनशान कोन मोठा मास्तर होनार हाय
                       तवा मले मास्तरमंदी दिसती माझी माय.....
                दारू पिउन मायेला मारी जवा माझा बाप
                थर  थर  कापे अन लागे तिले  धाप
                 कसायाच्या दावनीला बांधली जशी गाय
                 तवा मले गायी मंदी दिसती माझी माय.....
                        बोलता बोलता एकदा तिच्या डोळा आल पाणी
                        सांग    म्हणे    राजा तुजी कवा दिसलं राणी
                        भरल्या डोळ्यान कवा पाहीन दुधावरची साय
                        तवा मले सायी मंदी दिसती माझी माय.....
                  ग म्हणून म्हणतो आनंदाने भरावी तुझी ओटी
                  पुन्हा एकदा  जनम घ्यावा माये तुझे  पोटी
                  तुझ्या  चरनी ठेऊन माया धरावे तुझे पाय
                  तवा मले पाया मंदी दिसती माझी माय.