कंच हिरवा रंग तिचा
निवळू दे की जरा थांबा।
नका न पाडू अजून
हुंदे ( होऊन दे ) की तिचा आंबा।
पोयनाडला मित्राकडे झाडाचा मोहोर चांगला बाजलाय. मे महिन्याची चाहूल निसर्ग देऊ लागलाय. साली करवंदाची जाळी ही पिकेल. निसरडी जांभूळ फांदी फांदीत भरेल. रोज बकुळ अंगण भर पसरेल. परसातील आवळी हिरवी हून ( होऊन ) जाईल. बिट्टी गुडघ्याला बाशिंग बांधून पिवळी धमक होईल. मागच्या अंगणात तो मोरकिडा जमिनीत भोवरा फिरवल्या सारखं भोक करील. पांढरा चाफा भिरभिरत अलगद जमिनीवर उतरेल. कुठंतरी लपून हिरवा चाफा दरवळून जाईल. विहीर मात्र उन्हाच्या तडाख्याने हैराण होऊन खाली खाली जाईल! ,,,,
पण आम्हाला हे काहीही अनुभवता येणार नाही! 😔
असो पण कधीतरी अनुभवलेलं आजही मजा आणतं. ज्या मुलांना हे माहीतच नाही त्यांच्या बद्दल खंत वाटते. त्यांच्या नशिबी हे सुख नाही.
कोणत्याही टिप्पण्या नाहीत:
टिप्पणी पोस्ट करा