काळ देहा सी आला खाऊ
आम्ही आनंदे नाचू गाऊ,,,
काळ खायला येण !या अभंगातलं वेगळं.पण तो तसा खायला येतो मलाही कधी,,नव्हे बरेचदा.
बाबांनी एक नाटक बसवलं होत.त्यातले डायलॉग मला पाठ झाले होते.पैकी एक,
व्यंक्या किती वाजले?
काय कि.पण एक ठोका ऐकला.
मग एक वाजला असेल.
जी.
कदाचित दीड.
हा.
कदाचित साडे बारा हि.
असेल जी.
काळाचे ठोके साडे बारा वर असोत एक वर वा दीड वर.तुझ्या साठी ठोका एकच!
व्यंक्या तुला कधी काळ खायला आल्याच नाही वाटत?
नाय जी.
मग लेका या भिंताडा सारखं तुझं जिण.कुणा एकाच्या वासनेची एक विट कुणा एकीच्या वासने ची दुसरी विट. त्यावर मारला मुलामा मुठ भर तांदुळाचा आणि त्यातून उभ राहील हे भिंताड जे उभ ते उभ.पून्हा एकदा कोसळण्याची वाट पहात.
त्यातला व्यंक्या हा नोकर आहे.त्याचा आता मला हेवा वाटू लागलाय.काळ त्याला खायला येत नाही हा त्याचा गुण विशेष.
त्याच नाटकात मुख्य पात्र आंग्रे सरकार.तो एका तरुणीला ,ती डोक दुखतंय म्हणते तेंव्हा म्हणतो,
दुखण्या इतपत का होईना तुम्हांला डोक आहे तर!
या डोक्यात देवान अजब ऑर्गन निर्माण करून ठेवलाय.मेंदू.
बर तो देखील एक मे दो कटिंग सारखा.एक मोठा एक लहान मेंदू.
तो मोठा दिवस भर तर्हा तऱ्हा चे विचार करतो,निर्णय घेतो.मग थकतो.त्याला रात्री विश्रांती.
पण देव तिथंच थांबला नाही.त्यानं स्टेपनी सारखी व्यवस्था करत लहान मेंदू जोडून दिलाय.साला तो एरवी सुप्तवस्थेत असतो पण रात्री स्टिअरिंग तो हाती घेतो ऑटो पायलट सारखं.
मग मोठ्या न दिवसभर,मागच्या आयुष्यात जे चिंतन केल,बघितलं,भोगलं ते याच्याशी मेमरीत बाय डिफॉल्ट पडिक असत.मग हे धाकटे भाऊ रात्री झोप लागू देत नाहीत आम्हास.साल सिनेमा सारखी स्वप्न दाखवतात.इतकी कि कधी खरी वाटून भिऊन उठायला होत किंवा स्वप्न स्वप्नात खर झाल्या सारखं वाटून जाग येते चक्क.मग मोठा जागा होऊन सूत्र हाती घेतो.त्याच विश्लेषण सुरु होत.परिणाम आमच्या झोपेच खोबर ते हि खवट.अश्या वेळी मग काळ खायला येतो.आपण चक्क टकटकीत जागे आणि दुनिया गाढ झोपलेली.
किंवा दिवसा देखील आपण या काळाच्या मिठीत करकचून बांधलेले आणि भोवताली सगळे त्यांच्या कामात गर्क.आपला वेळ शून्य झालेला.
याला काळ खायला येण म्हटलं जात असावं.
अभंगात आहे तसा काळ खायला प्रत्येकास येतोच .तेंव्हा त्याचा ग्रास होण आहेच.पण तो होताना काहींना त्रास होऊ शकतो.मला मात्र होणार नाही नक्की.कारण काळ तर आम्हास आयुष्य भर आलाय खाऊ.
सो आय माई सेल्फ इज खाऊ ऑफ काळ.हौ ब्लेस्ड न.मजा है.
